હસવા જેવા જોડકા ગીત

મારા રૂદિયામા વાસ facebook કરે છે
મારા ઉભરા અંતર ના outlook કરે છે...

રોજ ઉજાગરા આંખ્યુ ઉપર rock કરે છે
મને સપનામા યંગ છોડીયુ pock કરે છે....મારા રૂદિયામા

રૂપલી ને રાજુડીની આવી ફ્રેન્ડ રિકવેસ્ટ,
સોશ્યલ લાઈફમા ઉગ્યો છે દિવસ બેસ્ટ,
ભલે પધાર્યા નો આપ્યો મીઠો આવકાર,
પરબારી શાયરીને વોલ પર કરી ને પેસ્ટ,

મને ચટકા ચેટીંગ ના એવા knock કરે છે....મારા રૂદિયામા

જેમ વાદલડી વરસે ને મેંડકો મંડાઈ જાય
ફિમેલ ની વોલ એમ કોમેન્ટે છવાઈ જાય
લાઈક તો એમ જાણે વાટકડી નો વહેવાર
વાત ના વિષયાંતર ટ્રેન્ડમા તણાઈ જાય

અહી puddle ને હવા ભરી hillock કરે છે....મારા રૂદિયામા

જ્યા અલકમલક ની અજબગજબ ભાષા
સંદેશ સુવિચારો જાણે ચેતવણીના જાસા
ધર્મ ને રાજકારણ અભ્યાસ કે વ્યવસાય
મંથન ને અવઢવ પોકળ દંભના ખુલાસા

સાચા સત્ય ના પૂજારીને સહુ block કરે છે..મારા રૂદિયામા
.....

શબ્દાર્થ :

.
outlook : સમગ્ર દર્શન ( અહી )..વિચારોના આવેગને ચિત્રાંકિત કરવુ

puddle : નાનુ ખાબોચિયુ

hillock : ટેકરો ઢોરો ..
18 / june / 2012
..................................................
પ્રેમ મા કોઈ પડશો નહી અમે પડીને પછતાણા
લફરુ કરી ને લાભ લેવા ગ્યા લગન કરી લુંટાણા

જે મારગે શીવજી ચાલ્યા ન્યા ડગલા માંડી જોયા
થયા પ્રેમમા પરાધીન ગાંઠ્યના ગોપીચંદન ખોયા
ભોળાનાથ મોહ્યા ભીલડીમા ને ગામે ગામ પુજાણા
પરણી ને અમે ભીલડી મોહી નાત્ય બહાર મુકાણા...

બાયડી માગે રોજ બાર વાના તાવડી માંગે છે તેર
પરજા ને બસ બાપની ધોરાજી ઉપરવાળા ની મેર
હતા કુંવારા ત્યારે કિંગ હતા રીઢા રઝળપાટી રાણા
જુવાનીને દઈ ઝાટકે અમે રોમાંસ ને રંગ રોળાણા...

હપ્તો ચુક્યો કાર લોન નો અને ગઈ હાથ માથી કાર
પરણ્યો હોત જો લોન લઈ હપ્તો ચુકતા કેટલી વાર
સમજણ આવી ચાળી વર્ષે ત્યા વિતી ચુક્યા’તા વાણા
પડ્યા એવા ભોગવ હવે "હિમ્મત" હવે થા થોડો માણા

13 / june / 2012
...................................................

{ " મારા સાયબાની પાઘડીએ લાગ્યો કોઈ જુદો રંગ " .. એવા ઢાળ વાળુ જોડકણુ , હિચ તાલ }

પચતા નથી ભાવતા નથી સદતા નથી રે
મને બાયડીના પરોઠા હવે પચતા નથી રે

ભાવતા નથી ગમતા નથી ચાવવા નથી રે
મને બાયડી ના પરોઠા હવે પચતા નથી રે

બાજરો ન ભાવે મને ઘઊ નો ન ભાવે , ફાસ્ટફુડ સામે દેશી ઉણુ કેવરાવે
રૂપાળા પીઝા ખાવા હરખે જીભલડી , તિખારીના ત્રાસે મને મેકરોની ભાવે

તારા રોટલા જાડા તાણી તાણી હાથ તુટ્યા રે
મને બાયડી ના પરોઠા હવે પચતા નથી રે

મારે રે ખાવા હોટ બ્રાઝિલી ફેઈજોડા , તારે રે શાક હોય કાયમ ઘીસોડા
નાસી ગોરેન્ગ મને ભાવે ઇન્ડોનેશ ની , તારે ખવરાવવા કડવા કંકોડા

તારી દાળ ના તુરા તુરા ઓડકાર આવે રે
મને બાયડીના પરોઠા હવે પચતા નથી રે

ભુરી અમેરિકન સ્વીટી એપલ પાઈ , ફેશન ની ફુદડી ગોરી છે ફ્રેન્ચ ફ્રાઈ
આફ્રીકી બોબોટી માણનારા જાણે , સ્લીમ ને ચીબલી બેંગકોકી ડીશ થાઈ

મારે બોલોનીઝ પાસ્તા ખાવા ઈટલી જાવુ રે
મને બાયડી ના પરોઠા હવે પચતા નથી રે

ખાવા માટે રોજ ’ હિમ્મત ’ના કજીયા ,અબખે પડ્યા મેથી ડુંગળી ના ભજીયા
ઇઝરાયલી ફાલાફેલ ટર્કી બાકલવા ,ખાતા ધરાય નહી ફીલીપીનો લુમ્પિયા

લટ્ટુ ભાયડાઓ ને બાયડીયુ જુની બદલી કાઢવી રે
મને બાયડી ના પરોઠા હવે " હાક ...થુ " ભાવતા નથી રે

શબ્દાર્થ :

તિખારી :દહીને વઘારીને બનાવાય

મેકરોની : રશિયન આઇટમ

ફેઈજોડા : બ્રાઝીલ નુ એક ખાણુ

નાસી ગોરેન્ગ : ઇન્ડોનેશિયન ડીશ

કંકોડા : કંટોલા વાડ મા વેલો હોય કંકોડાનો

એપલ પાઈ : અમેરિકન ફુડ

ફ્રેન્ચ ફ્રાઈ : બટાકા ની ચીપ્સ

બોબોટી : સાઉથ આફ્રિકન ડીશ

બોલોનીઝ પાસ્તા : ઇટાલિયન ફુડ
10 / june / 2012
.................................................................................................
મુ ને લેપટોપડી નવી ઘડાઈ દે રે, ડેસ્કટોપડી જુની ગમતી નથી..
મુ ને માઈક્રોસોફ્ટી નવી દે રે,ડીસ્ક ઓપરેટડી જુની ગમતી નથી

ચાર્લ્સ બેબેઝની ગગી એનિયાકડી,૯ ફુટ ઉંચી હળપાવૈયા સી ફાંકડી
વીજળી પીવે કિલોવોટ ઇ દોઢ સો, ખાય રાત દિ નવ ધરાતી રાંકડી

એને ગદરાવી ગજવુ હવે થાક્યુ રે, ડેસ્કટોપડી જુની ગમતી નથી...મુ ને...

ઊંઘે છે ટેબલે પખ્તી ડેસ્કટોપડી, જાણે જંગલ રોકી ને સુતી છે લોકડી
જાગતા ભવ થાય મોંઘો પાવર ખાય , કામાકુટલ ની કિમત છે દોકડી

મારા સર્વરનુ સરોવર ઢીચી જાય રે,ડેસ્કટોપડી જુની ગમતી નથી..મુ ને..

નાની નાજુક ને નમણી લેપટોપડી,જેમ વાંઢાના હાથમા રોમાંટીક ચોપડી
ચાલે રૂમાની સાયલન્ટ મસ્તાની , ખોળે ખડકાણી જાણે નોલેજ ની ઝુંપડી

ઇ તો મોબીલીટીની છે મોટી દેવ રે , ડેસ્કટોપડી હવે ગમતી નથી...મુ ને...

{ આ જોડકીયા લોકગીતમા એક પતિ અને એક ડેસ્કટોપપતિ ની કરૂણતા નો સંયોગ દર્શાવવાનો પ્રયાસ કરવામા આવ્યો સે...
એ સમજાણુ અથવા નો હમજાણુ.... એ મુદ્દો મહત્વનો બની રહેશે....}
5 / june / 2012
......................................................
ઘરવાળી  ઘોલરીયુ મરચુ
પ્રેમથી ચાંપ્યુ છાતી સરસુ

પરણી ને પસ્તાયો પોપટ,સજળ આંખે આંસુ વરસુ, ઘરવાળી...

સગાઈ સમયે ચાખેલી ચીલી,રાતાપાણીએ રોવડાવે
લગ્ન કર્યાને લાગી લ્હાય,જેને ધણી દુધથી ધોવડાવે

અગન જાળ જીહવાની ઠારવા,આયખુ આખુય ખરચુ, ઘરવાળી...

દસ્તક દઈ રહી આજ દરવાજે,સમજણ તણી સન્નારી
ચાળીસ વર્ષે કેમ સાચવવી. એક ઘર મા બે બે નારી

બે બાબલા નો બાપ બિચારો, કેમ સમજે સારુ નરસુ, ઘરવાળી...

ગુણવત્તામા ગોંડલિયુ મરચુ,"હિમ્મત" હરખે લાવેલો
ભાર્યા તણા ભૂત ઝોલકિયાને,ચાર ફેરા ફરીને ફાવેલો

સુખનો તે દિ ઢળ્યો સુરજ,શુભ સવાર પડવા તરસુ, ઘરવાળી...
11 / march / 2012 /  : 12 : 06 pm
..................................................

સમી સાંજની હોળી સળગી
પરંપરા પરિક્રમાએ વળગી...

શેરડીને ખજુર લૈ પુગ્યા,ભૂતપૂર્વ વારછડા વાંઢા
ધૂંસરીયુ ઘર સંસારી ઢસડવા, ઢીક કાઢેલા ઢાંઢા

સમજણ થાશે ધુળને રાખ છાણા ભેગી સમુળગી...સમી સાંજની

ઉલંઘશે હોળી માતા પ્રગટ તાજા જ્ન્મેલા બાળ
ઉભી પુંછડી ભૂત ભાગશે અડતા અગન જવાળ

અંધશ્રદ્ધાની ઓથે લોકની અક્કલ રે’તી અળગી....સમી સાંજની

અગ્નિ હોમે નાશ પામતી, દુન્ધા પુતના હોલિકા
ભ્રષ્ટાચાર કેમ ભારત ભીસે, બુદ્ધી નથી બાલિકા

લોકપાલના ભીના છાણે અગ્નિ નથી કૈ વળગી.....સમી સાંજની

મુક્ત વ્યાપારનો મુષક મોટો,કરકોલે ફુંકો મારી
મૃત:પ્રાય સ્વદેશી ઉદ્યોગ વેઠે ભયંકર હાડમારી

સંસ્કૃતી દેશી ગાય જેને વિદેશી બગાયુ વળગી....સમી સાંજની
4 / MARCH / 2012 : 1 : 40 pm
..........................................................
ભલા મારે તો !એકસો બત્રીસ કીલો ની બાયડી

નજાકત રહે નેવુ ગાઉ છેંટી એવી એની કાયડી

બાર મહિને બજાર જાતી આખી શેરી વનવે થાતી

બાઈક કાર હડફેટે લેતી રૂમઝુમતી ભડ ભાયડી ! ભલા મારે તો..

મદ ભરેલી મદની લાગે જ્યારે મૌન મુખડે એ રાખે

વાણી ઊચ્ચરે વખ વછુટે ભાષાની ભારે વાયડી ! ભલા મારે તો...

ઉનાળે છુટેલી બાળ સ્કુલ એને પગલે પગલે ચાલે

સંઘ સઘળો ઓથે સચવાતો એવી જબરી છાયડી ! ભલા મારે તો..

દહ વરહમા હરેક ઘરના અરિસાઓ બદલાઈ જાય

હરણ આકારની હતી તે ગઈ હાથણી જેવી હાયડી ! ભલા મારે તો..

કુંવારા મડદો કન્યા કાજે જયારે વરઘોડે ચડે સે

હેરાન થવાના હરખપદુડા"હિમ્મત"ને હૈયે લાયડી ! ભલા મારે તો...

21 / feb / 2012

--------------------------------------------------------------------

ઇ તો તમારે મન વેલેન્ટાઈન ડે

પવણેલાને રોજ વેલણખાઈન ડે

ભોર ભયે ભાર્યારાણી જાગે,નહાવાના ઉના પાણી નાથ પાહે માંગે

ઘરવાળી જ્યારે પહેરશે ઘાઘરો,બાંધશે નાડી નેફા એનો કહ્યાગરો

કપડા ધોઈ ઉજવે ધોકાટાઈન ડે

ઇ તો તમારે મન વેલેન્ટાઈન ડે

પવણેલાને રોજ વેલણખાઈન ડે

હિંચકે ઝુલે હાથણી શી પટરાણી,ધણી કરે ધરકામ જાણે નોકરાણી

જમવા બેસે અજગર જેવી જાયા,ઓડકાર મારે ટીપણા જેવી કાયા

પતિને રોજ વાસણ ઉટકાઈન ડે

ઇ તો તમારે મન વેલેન્ટાઈન ડે

પવણેલાને રોજ વેલણખાઈન ડે

પોઢે પલંગે પહોળી પરણેતર, હોય પગચંપીમા પ્રવિણ હર એક વર

ગૃહસ્થી ગુંચવાડે આયખુ ઓગળે પરણ્યા પુરૂષો પત્ની પાહે પીગળે

’ હિમ્મત’ને મગજ કાટખાઈન ડે

ઇ તો તમારે મન વેલેન્ટાઈન ડે

પવણેલાને રોજ વેલણખાઈન ડે

અમારા ત્રણ ત્રણ ગુરૂદેવ... અધીર અમદાવાદી, Naresh K Dodia, Badhir Amdavadi,

આ ત્રણેય પરણીને " પામર " થઈ ગયેલા અમારા ગુરૂદેવોને શ્રદ્ધાંજલિ રૂપે અર્પણ કરી રહ્યા છીએ..

13 / feb / 2012

----------------------------------------------------------------------

જાગો રે !તમે વ્હાલા મારા ભાર્યા રાણી

પ્રેમે કરી જગાડે તમને ભુખડુ રાંક ધણી

કુતરે બોટેલો કળશ્યો જળ ભરીને મુક્યો

તમને દાતણ કરાવવા કે’દાડો હુ ચુક્યો

ન્હાવા માટે ટીપણુ ભર્યુ જેમ ધમારુ ભેંસ

સાક્ષાત જોગમાયા લાગો છુટા મેલી કેશ

ગાગર જેવા મુખ ને રૂડા રૂમાલે લુછો રે

પ્રેમતણા પ્રશ્નો અમને શીરામણે પુછો રે

મુખવાસ લ્યો પિયરે સાસુનો બનાવેલો

તારી સગાઈ ટાણે જેવો મને બનાવેલો

આસને પધારો મારા રૂદિયાના રૂપવાન

ઠોકુ સલામ એવી જેમ રાણી ને દિવાન

ફરમાવો આરામ મારા પ્રિય પત્નીરાણી

ધણી પરવારશે ઘરકામ જેમ નોકરાણી

ઝાડુપોતા કરુ જેમ જુત્યો નંદી ઘાણીએ

પ્રેમની ઝલક દઈ કૃપા કરી સે રાણીએ

મુજ હૈયા હીંચકે ઝુલે પીપડા જેવી પ્રિયા

વાગોળ ઝુલે વડ જેવી કૈક અંશની ક્રિયા

હે મારા કાળજ્યાના કટકા તણા ઠકરાણા

થાળ જમોને પછી ઊટકુ, હુ એઠા ઠામણા

ઢળી રાત રઢીયાળી હવે પોઢો તમે પ્યારા

પગચંપી કરતા તમના દર્શન થાતા ન્યારા

પામીને પત્નીદેવી ને’ હિમ્મત ’ ગોલો ન્યાલ

પરણ્યા વિણ દુર્ગતિ એ પટેલ-દંપતિ ખ્યાલ

13/ jan /2012

--------------------------
પ્રેમના નામથી કઠણાયે કેવી કસકસાવી ભરી સે બાથ

જે દિવસથી હાહરા એ સોપ્યો, અમને બાયડી નો હાથ

છે સાત ફેરા જો સાત ભવના,તો મગજના આંટાનુ શુ

એક ભવે તો ગળે આવીગ્યા,કેમ જાશે છ ભવનો સાથ

લગન લાલચ ભમ્મરીયો કુવો, જાણતા છતા ખાબક્યા

નીકળવા લાલો વલખા મારે, મને ઉગારો ભોળ્યાનાથ

સગાઈ વખતે દેખાડેલ મુદ્દો,દહ વરહમા બદલાઈ ગ્યો

એંટ્રી ભરી’તી એક્સપ્રેસ વે ની,ને થ્યો નસીબ ફુટપાથ

પતિ ની લાલચની વાત કરે સે,’હિમ્મત’ થૈ હરખપદુડો

તારા જેવા તો કુંવારા જ ભલા, તને ન હો ભાર્યાસંગાથ

17/ dec /2011

----------------------------------------------------------------------------

પરણીત દંપતિઓની આજ વાત કરુ સુ

ભારે જોખમ ખેડવા નુ હુ સાહસ ભરુ સુ

સમજે પતિદેવો પોતાને તીસ મારખા

એને શીલા ખપે  ન જોઈએ શુણપંખા

એને ઘરે ઘડેલો રોટલો કરડવા દોડે સે

પડોશી દેખાવડા પીઝા ભરડવા લડે સે

ઘરની બયરી ને તો ભુંડી બલા ગણે સે

પારકી લલના ના ખોટા કિલ્લા ચણે સે

આમ તો ઘરવાળી ઓ નો પણ સે વાંક

પતિ ને શેકે ચુલે જેમ ડોડે ભરાવી ત્રાક

પરણેલા ઉમાદેવીને જે થઈ ગૈ ટુનટુન

ભુખડુ પતિઓ એ બાબતે સાવ સુનમુન

હાહરાદત્ત વાગ્દતાની એક ડીસક્લોઝર

લીધી હતી સેડાન ને પામ્યા બુલડોઝર

સવિકલ્પ અનુકરણમા કશુ ન સમજાય

કપડા ડેમો ડ્રેસગર્લ્સના જોઈને હરખાય

ફાલતુ વસ્તુની શોપીંગ મોલમા ખરિદી

મહા મહેનતે રળેલા પૈસા ની બરબાદી

લિબાસમા શોટ સ્કર્ટ લબડે સે એની ફાંદે

જાણે કે પાણી ગાળવા બાંધ્યુ ગરણુ નાંદે

નથી ઢોંગી પુરૂષને ઇચ્છાઓ પર સંયંમ

સવારે મણીબાઈઓને ન ખપે વ્યાયામ

’હિમ્મત’ આકાર મર્યાદાનો પક્ષ ખેંચે સે

૨ મણ પાવડર ડબ્બા ભંગારમા વેંચે સે

November 29 / 2011  /  at 12:29pm

.....................
લગ્નગાળો
લગ્નનો માહોલ જામ્યો સે ગજબનો,

રિવાજે’ય સુધર્યો ફેશનમા અજબનો,

બેન્ડવાજા ઢોલ એક્સપાયર થયા સે,

ટેમ્પામા ખડકેલ ડીજે આવી ગયા સે,

પેરણ-ચોરણી ની જગા સુટ લઈ ગ્યુ,

ખાસડાને બદલે કુમળુ બુટ થઈ ગ્યુ,

ઘોડા પાવર બની એન્જીનમા સમાયા,

તેથી જ ભાડે મોટરુવાળા ખુબ કમાયા,

લાજ-મલાજા તો સુપમા પીવાઈ ગ્યા,

રિસેપ્સનમા લગન ગીત વિખાઈ ગ્યા,

વરકન્યા અટલે બ્યુટી પાર્લરનુ બીલ,

રકમ હાંભળતા જ ઘગે વેવાઈનુ ડીલ,

શણગારેલ કાર માથી લાડી ઊતરેલ,

જાણે સુકાયેલ પીપળે સાડી વીંટળેલ,

વરરાજો કાળુ આજે કેવો ઝગમગે સે,

વેવાણની આંખ્યુ હરખમા તગતગે સે,

લાડવા ને મોહનથાળ બન્યા ભુતકાળ,

પડ્યા પંજાબીને ચાઈનીઝ ના દુષ્કાળ,

સુખી દાંપત્યની દુવા મા ૫૦૦ની નોટ,

જેટલી લાઈન નાની એટલી વધુ ખોટ,

" હિમ્મત "રાખી ને સહુ કંકોતરી ખોલજો,

સુધર્યો લગ્ન રિવાજ એમ માની મોલજો,

November 22 / 2011  / at 7:44pm

..........................

ઐશ્વૈર્યા રાય જો કાઠ્યાવાડ્યમા બેબીને જ્નમ આપે તો..
એ તગારુ ભરીને ઢેખવાળો મોકલાવો એશને ન્યા નાનુ થ્યુ

ખાટલા ની હેઠે ઉનો ભંડારો પ્રગટાવો એશને ન્યા નાનુ થ્યુ

ઘઊને ચણા કેરા બારબળીયા રંધાવો એશને ન્યા નાનુ થ્યુ

ભેસુ અને ગાયુ ને ઘુઘરિયુ  ખવરાવો એશને ન્યા નાનુ થ્યુ

ગોળા માટલાના પાણી ખાલી કરાવો એશને ન્યા નાનુ થ્યુ

સઈ સુયાણીને ઘયરે સીધુ મોકલાવો એશને ન્યા નાનુ થ્યુ

ગોરભામણના કુંડલી ટીપણા વિખાવો એશને ન્યા નાનુ થ્યુ

સુખડી કાટલા ના આંધણ રે ઉકળાવો એશને ન્યા નાનુ થ્યુ

November 16 / 2011   at 11:05am

...................
બંધાણ થયુ જેને ફેસબુક નુ એ ધણી સહુ ચેતી જાજો
અતિની ગતિ બહુ ભુંડી, જાણો હાચા સમયનો તકાજો,

લેટ નાઈટ લગી પકડી રાખે એને ઉંઘ કેમ ના આવે,
ચેટમા ચોટીને ઘુંટડા ભરતો,જેમ બોતડુ ઉંટ ને ધાવે,

ક્યો રહ આવે સે ફેસબુકમા ,જેને નથી ખાવાની ભાન,

બાયડી આવીને ધોકો ઝીંકે,તોય ઠેકાણે ન આવે સાન,

લાઈક કોમેન્ટુનો કેફ ચડ્યો,હમજે સે પોતાને તો અઠંગ,

આમ જ હાલશે તો નક્કી સે, થાહે એક દિવસ ઘરભંગ,

કમાણી નથી પઈપેદાશની,ને ઉધામા આદરે સે અપાર,

બાયડી રળી ને બીલ ભરે સે, બ્રોડ બેન્ડ ભાયડાનો ભાર,

"હિમ્મત" નો ખરો અરથ હમજે,ભલો ઇ માટીડો ન્યાલ,

બીજુ બધુ માથા પરથી જાય,બાકી સમજ ભીન્ન ખ્યાલ,

.....

{ આને સલાહ ન ગણવી }

November 12 / 2011 /  at 1:32pm

...................

આજે કડવા ચોથ.....

આજ તાકીશ મને ચોથની ત્રાક,પસે ગાળીશ લોટ ચાળવાને આંક
કોને કહુ તારા સૌભાગ્યની વાત રોજ પીરસે મને બયરી મેથીપાક

પગચંપી કરતો હુ પીયુડો લાગુ, વાસણ માંજતો વહાલીડો લાગુ

ધામેણો બનીને કપડા ધોકાવુ એને હિચકે હિચકતા ન લાગે થાક

વ્રતનો ઉપવાસ તો તારુ બહાનુ છે મારી નઘરોળ નકટી વહાલી

ઓફિસેથી આવીને તને રાંધી દઉ તયે ઝાપટીશ તુ રોટલાને શાક

તારા પિયરના મહોલ્લાવાસી તને રિવોલ્વર અમથી નો’તા કે’તા

A.K. 47  જેવી જબરી ધાણીફુંટ અડોશ પડોશમા કેવી ગજવે હાંક

સ્લીવલેસ ને શોર્ટસ્કર્ટ પાણીની નાંદને બાંધેલા ગરણા જેવા લાગે

ખરજવાથી ખદખદી ગયેલ ઉઘાડી તારી ફાંદને એના વડે ના ઢાંક

બાળકો ડરતા તારાથી જ્યારે પધારે બાથરૂમથી છુટા મેલીને કેશ

સાક્ષાત દશામા પધાર્યાના ઇમેજીન થાય વગર રાવળ અને ડાક

કડવી ઉગી ચોથ પતિદેવની સાવરણી ઝીંકતી આજ ચારણી લેશે

’હિમ્મત’ ઉભો રે’શે બૈરી હામે સમસ્ત પતિ જાત નુ કપાવવા નાક

October 15 / 2011  /   at 6:02pm

...........................
હુ તો બાયડીઘેલો...રે

જેવો કાનુડાને હતો રાધાપો, એવો જ મને ઉગ્યો બાયડીપો
ઇશ્વર મારુ આયખુ લય લે પણ ન દેતો ઘરવાળીને રંડાપો

દેખાવમા સુમો જેવા ભલે લાગે દિલના પણ સે બહુ વિશાળ

મહાસાગર જેવા અમારા ઇ, હુ એમા તરતો વિહરતો તરાપો

આધેરા જાય જ્યારે મને એકલા મુકીને મારા વહાલા વાઈફ

શોરવે નય ક્યાય જરાય મુજને ભુંડો ભરડો લે મને ખાલીપો

પરણતી વેળા લીધેલુ રિઝોલ્યુશન,એમને પુછીને ભરીશ ડગ

બાયલો ગણીને ગામનુ લોક, ઉકળી ને કાઢે સે કેવો બળાપો

’હિમ્મત’ના’ઇ’ સે બહુ હુશીયાર, ઠામ માંજવા ટાણે વ્હાલ કરે

ઘેલો બની કરુ સઘળા ઘરકામ, આમ જ આવ્યો મને બુઢાપો

October 7 / 2011  /   at 9:26pm

..........................
દશેરામા પટેલો કેમ પાછળ રહે..હે
દેખાવે ટાવડુ એવુ પટેલનુ ઘોડુ

કહે છે હુ દશેરે પેલા નંબરે ધોડુ

હોય ભલે બાપુ પાહે પાણીયાળી

એની પેલા પુગુ અને ખાંભી ખોડુ

ગઢવી ભલે ને રાખે રૂડી રોજડી

ધોડવામા એના માથે ઠીકરુ ફોડુ

આંખ્યના પલકારે ઓઝલ થાઉ

વાયરા ના વેગે લય મારો જોડુ

આવ્યા દશેરા વિજય ને વાવટે

ગોંદરે મલક ટોળે વળ્યુ હચોડુ

પટેલ પલાણ્યા ફંદફેલ ઘોડીએ

જેમ વળગે શ્વાન ને પુંઠ ગીંગોડુ

હાકલ થાતા તોખારો તાબડ્યા

ચડ્યુ ઝોલબગાહે પટેલનુ ભોડુ

હલે જાજુ પણ હાલે નય ડગલુ

પાદરે પુગતા ભાંગી પડ્યુ બોડુ

ફેસબુક્ને સૌ સમરાંગણ સમજો

ઉર્મિ જોડકા છે અશ્વ અને ઘોડુ

"હિમ્મત"જોડકા પાદરે ન પુગે

આંબાનો રહ શુ જાણે ખીલખોડુ

October 3 / 2011  /   at 7:58pm

...................

હિમ્મત નામે શુરવીર એવો,સ્વભાવે સે બોવ વાયડો

બાયડી પાહે બકરુ બનતો , ગામમા ફરે ભડ ભાયડો

ઘર તો જાણે શસ્ત્ર નુ થાણુ , પાર વગર ના હથીયાર

ખરિદ્યા કેડ્યે વાપરેલા નથી, એમ જ પડ્યા સે બેકાર

બંધુકમા ભમરીએ ભોણ કર્યુ , બરછી સાવ કાટી ગઈ

ઢાલનુ ફક્ત બોરીયુ જ લટકે ,જેની કોચલી ફાટી ગઈ

ભાલા ઉપર મધપુડો જામ્યો , અપાર માખી બણબણે

પોલા માણહની બોખી વાતુ , ડાહલિયા કાને ગણગણે

તલવારની તો મુંઠ જ વધી , જામી ગ્યુ ખાંડુ મ્યાનમા

ભુક્કા કાઢવાના બણગા ફુંકે,જેમ મુષક અમલી તાનમા

ફેસબુક અટલે ગામનો ચોરો , લાઈક કોમેન્ટ ના કસુંબા

વડલા ખસેડવાની વાતુ કરે , હિમ્મત ભાદરવાના ભીંડા

September 27 / 2011 /  at 1:13pm

..............

રિસામણે બેઠેલ બાયડીને વિનવતો ધણી...
હે મારી વાલી. મીઠી મતવાલી,

તારા વિણ મારુ જીવતર  ખાલી

કાન તરસે  વેણ હાંભળવા તારા

મા વિના મને કનડે સોકરા તારા

તેલ ના ડાઘમા દેખાય મુખડુ તારુ
ઠામણા ઉટકુ પછી ઝાડુ પોતા મારુ

હરેરી જાવ  જોઈ લુગડાનો ઢગલો,

બ્રશ ઢહડતા ફાટી ગ્યો નવો ડગલો

ખુણે ખુણામા જામી પડ્યા સે ઝાળા,

રહોડામા’ય ચકલાએ કર્યા સે માળા

પલંગ હેઠયે ખહલેલ કુતરુ વિહાણુ,

કઠણાય ધણી ની જેનુ બૈરુ રિહાણુ

પડોશી ની ફાટ્ય બોવ વધી ગય સે

કામવાળી હમણા બોવ પેધી ગય સે

ડખાળીયા ધણીની આંખ હવે ઉઘડી,

જામેલ જુવાની જે બૈરી વિના બગડી

’ હિમ્મત ’ની ઓળખ બાયડી થી થાય,

વાલી તારા વિના મારા દિ ક્યમ જાય ...

September 3  /  2011  at 12:06pm

--------------------
શ્રાવણ બેસે અટલે શુ શુ થાય.....

શ્રાવણ બેઠો આજથી શિવલિંગ કોથળા માથી કાઢ્ય એલા

ગોપીસંદનનો ગાંગડો પેટીમા સંઘરેલો એનેય કાડ્ય એલા

બિલ્લીનુ ઝાડ ફળીયામા વાવેલુ શ્રાવણમા પાન ચડાવવા

કાંટા ભલે વાગે શિવ ના નામથી થોડા’ક પાપ તોડ્ય એલા

ભક્તિ સમરા કાઢશે ઘરે ઘરે,ભોળાને ચડશે દુધનો આફરો

શિવલિંગને વામીટ ના થાય એટલે પંચામ્રુત ચોડ્ય એલા

ભોળો કાઈ રોકડુ નહી આપે,કોઈ ને આપતા ક્યા જોયા છે

તારા ઢોંગ જોઈ ગામ લોકો દાનપેટી ભરશે કરાફાડ એલા

અગિયાર મહિના બેસી રહે’ હિમ્મત’ એક માસ મા કમાવુ

પ્રુથ્વી જો ૩૦ ગણી ફરે તો કાઈ રોજ પગાર ન મળે એલા.

July 31  /  2011      at 11:18am

--------------
રથયાત્રા ની રેલી

* ભગવાન કેવા ઘેલા બની  રથયાત્રામા પધાર્યા,

* આખો દિ અમદાવાદ રખડી સાંજે છેક પરવાર્યા,

* સિંહાસને બેસવાવાળા આજ જોગિંગ પર હાલ્યા

* રુક્ષમણિ પણ થાક્યા એવા,સોજા પગપર ફાલ્યા,

* અઠવાડીયુ તો સેવા હાલી,દાસદાસીની થઈ બેહાલી,

* થાક ન થાય સગા પ્રભુના,પરિશ્રમીની વાત નીરાલી,

* એકાદશીએ બગાસુ ખાઈને થયા છે શયનલીન,

* આઠ મહિનાનો ઉજાગરો,ને ચતુર્માસ નિંદ્રાધીન,

* વરૂણદેવના વહાલ થયા,વરસ્યા સાંબેલાધાર,

* પગ મુકવાની જગ્યા નહી, જામ્યો ગારો અપાર,

* દેવઉઠીએ દેવતા જાગ્યા,લગ્નઘેલા પરણવા ભાગ્યા,

* પંચામ્રુતના જળપાન લીધા કંસાર કેરા ભોગ માગ્યા,

* આખુ ચોમાસુ ઉંઘ ખેચી છે,ચરણ તમ કોમળ ફુલ,

* સ્લીપ પિરિયડ ચેન્જ કરો તો દેખાડુ વરણની ભુલ,

* સુતો નાથ તો પ્રજા સુતી,જાગ્રુત દેવની રૈયત સુખી,

* ભારતદેશ ની કરૂણા ગણો, ભ્રષ્ટાચારની જામી ગુત્થી,

* અણ્ણાને કોઈ એ બતાવો કે,આ ઉંઘમા રસ રાફ્ડે જાય છે,

* બારસે જગન્નનાથને જગાડો,પછી ભ્રષ્ટાચાર ફફડે જાય છે,

Saturday, July 2, 2011 at 4:49pm

સરળ રચનાઓ

હે પ્રભુ! માનવતા પર એક ઉપકાર કરજે

કરવી હોય તો જીવતે જીવ દરકાર કરજે

મરણ પછી નથી કશા કામ ના એ અંતિમ

ખુટે જીવવા માટેના એ પુરા સંસ્કાર કરજે

9 / feb / 2012

--------------------------------------------------

દર્શન એમના ઉજળા છે,ને કામ કરે છે કાળા

સૌ ને લુટે સેવા ના નામે ધોળા ઝભ્ભા વાળા

ચુંટણી ટાણે મતદાર પાસે, જાતા પગે પાળા

કર જોડી ને મત માંગતા,કપટી કાગડા કાળા

વાયદા-વચનો ચોપડે છે કોણી એ ગોળવાળા

રાંક પ્રજા લુંટાતી જેની આંખે અજ્ઞાન બેતાળા

ગજવુ ભરવા ગ્રાંટ માથી કરે ગરબડ ગોટાળા

તપાસપંચ તાબે કરી એને ટાંગે તોતિંગ તાળા

હારી ને હાથ ઉપાડે છે હરવિંદર ’હિમ્મત’વાળા

નકટા ને નાલાયક, નેતાઓ નવી દિલ્હી વાળા

6 / feb / 2012

---------------------------------------------------------------------

વિવાહ ની વેળા ની શુ વાત હોય,અવસર ઉજવવાની જુદી ભાત હોય

મહોલ્લામા હરખની હેલી હોય,રંગીન રોશનીમા ઝગમગતી ડેલી હોય

સગાસ્નેહી પધારવાની પ્રતિક્ષા હોય,ભુલો ખમી લેવાની તિતિક્ષા હોય

પ્રસંગનો પુજન જાપથી પ્રારંભ હોય,ત્રણ દા’ડાનો ભવ્ય સમારંભ હોય

શ્લોક ને ગીતથી ગગન ગાજતા હોય,ચોઘડીયા ચોક મા વાગતા હોય

મે’માનો તો જાણે દરિયાના મોજા હોય,સાથે પહેરામણી ના બોજા હોય

દાળ ને અત્તરનો મીક્ષ પમરાટ હોય,ઘર ધણી ને ઠાઠ નો ગભરાટ હોય

માંડવે થતી મામેરાની વિધી હોય,પાછલા દ્વારની સહાયભેટ સીધી હોય

ફુલેકે ફટાકડા ની ધાણી હોય,પ્યાસીઓ એ પીયાલીની મોજ માણી હોય

પાટે ઉઠાવવામા પૈસા ની ઝડી હોય, અંઘોળ પીઠી ચોળવાની ઘડી હોય

જુગારીને લાલચભર્યા લોચન હોય,પટ પાથરીને પત્તાનુ વિમોચન હોય

પરોઢે પ્રભાતિયા રૂડા રેલાતા હોય,મગળ ઘડીના શુભ મંત્રો ફેલાતા હોય

સજીધજીને સહુ નમણા દેખાતા હોય, મોભો પાડવા કપડા હરખાતા હોય

લગ્નમા મોજની જબરી લુંટ હોય,આજ લાઈન મારવાની સહુને છુટ હોય

ભપકો પાડવાનો જાણે વળગાડ હોય,જમણવારે પણ જબરો બગાડ હોય

ઢોલી ની ચાનકે વરઘોડો વહેતો હોય,પૈસા ઉડાડવામા માભો રહેતો હોય

હસ્તધુનનથી જાનનુ સ્વાગત હોય, ડફોળ વેવાઈ જાણે કે તથાગત હોય

ગોરઅદાને દક્ષિણાનો લોભ હોય,પણ વેવાઈ પાસે માંગવાનો ક્ષોભ હોય

લગ્નવિધીના ફેરા ચાર હોય,ને પરિણય વિરમતા જાનૈયા માત્ર બાર હોય

વે’વારનો છેડો જાણે જમણવાર હોય,પત્યુ એટલે ગામ ભણી પોબાર હોય

છતા લગ્નસરાનો એક ઉન્માદ હોય,જ્યા થાક એ હરખ નો પ્રતિસાદ હોય

આ ટાણે વેવાઈનુ ધગતુ ડીલ હોય,પાકિટમા પૈસા થોડા જાજા બીલ હોય

સહુમા ખર્ચ કરવા ની’ હિમ્મત ’હોય,પ્રતિષ્ઠા રાખવા ચુકવેલ કિમ્મત હોય

4 / feb /2012

-------------------------------------------------------------------------------------------

મા-બાપ રોજ ઠેસ ખાય છે ઉંબરે

દિકરા પુજવા જાય દેવ ને ડુંગરે

નથી ખપનુ કથા પારાયણ શ્રવણ

એ થોડુ નાસમજણનુ પાપ સંઘરે

માથુ ચડે તેને સમજે છે વળગણ

ને શ્રીફળ વધેરે હનુમાનને ગોંદરે

જાણે ન કશુ જુથબળ ને નિષ્ઠા મા

આ રામસેતુ ને કેમ બાંધ્યો વાંદરે

જાત્રા કરીને બાંધ્યુ પુણ્યનુ પોટકુ

હરખ મા ભુલી આવ્યો એને પાદરે

હિમ્મત કેવા એ ધનદાન આપે છે

પછી તક્તી ના અનાવરણ આદરે

25 / jan /2012

--------------------------------------

જનમારે ઘણાય અનુભવો થયા સે,હોય મુલ્ય એવા યથાર્થ કામ ક્યા સે,
થયા સે ઘણા પ્રખ્યાત ને કુખ્યાત,ઘટના ને પુંછડે ચોટેલા નામ થયા સે,

મોચીવાડમા મોચી ઘાંચીનીય વાડ,તો તો અંબાણી બંધુ સે ચોરવાડના
સમજનો સંદર્ભ બાંધો મુલ્યાંકને,તો કોડી જેટલા કરોડ ના દામ થયા સે,

નૈતિકતાઓ જે નિશાળે શીખેલી,એને અમલમા મુકનારા ભઈ અમે કોણ
ઉજવણી ને નામે રાત રઝળતા,મદ ને મદ્ય કાય ચિક્કાર જામ થયા સે,

શાલિનતા કેવી પરણી સે મજબુરીને,એક બાબતે એનીય કરમ કઠણાઈ
કંડકટરની બૈરીને રોજ નુ થ્યુ,એ ન કહે તમાર ભાય બહારગામ ગયા સે,

ફેસબુક સે આધુનિક ગામનો ચોરો,જામ્યા સે એમા ગામગોષ્ઠીને ગપાટા
થાય તેવા તો ઘણાય પડ્યા સે,એવા કામ કરવાની માનવહામ ક્યા સે,

’ હિમ્મત’ ગોતે સે બહાર જવાનુ બારણુ,ફેસબુકમા ઘુસતા ઘુસી ગયો સે
જે માટીને જડ્યુ એ બંદો છુટ્યો,એને તો થયેલ જીવતરમા રામ દયા સે,

1 / jan / 2012
--------------------------------
સુર રેલાવવા મધુર વાંસળીના,વાંસડાને વિંધાવુ પડે છે,
મંદિરે ઉતારવા પાપ માણસના,ખાંસડાને ઘસાવુ પડે છે,

કંસારાના પેટ નો ખાડો પુરવા,હથોડા ને હાથ જે ઢીબાતો
નમણી નાર ના ધાન જો ભરવા,ત્રાસડાને ટીપાવુ પડે છે,

જાત ઉજળીને કુમળુ છે કદ,પણ મુલ એનુ ત્યારે તોલાય
કિસાનના કપાસની કિમત કાજે,ગાંસડાને બંધાવુ પડે છે,

હરિયાળા પાકના રક્ષણ ખાતર,રાત દિ ઉભો ખેત વચાળે
ચાડીયાના અડગ મનોબળ માટે,માંચડાને બંધાવુ પડે છે,

ફેસબુકે મળતા લાઈક કોમેન્ટ,બસ ’મિરા’તારી દેન ગણજે
તારા સ્નેહ પ્રેમે તરબોળ ’હિમ્મત’દાસડાને ભીંજાવુ પડે છે

28 / dec / 2011
-------------------------------------------------------
ધર્મ નિતીના વાડાઓ અપાર, ન્યા એકતાના ઝંડા વાળા શુ કરે

પંથ પ્રમાણે વિચાર ને વર્તન, માનવ સેવાના દાનફાળા શુ કરે

માહ્યલા જેના ખોખલા ને કપટી એના કરેલ તિલક માળા શુ કરે

શોખ દિવાન લુચ્ચો લુંટે સમૃદ્ધી, પ્રમાણિકના પગી-પાળા શુ કરે

શહેર આખા સળગે ઇર્ષ્યાની દાઝે, ન્યા આગ બંબા વાળા શુ કરે

પ્રતિષ્ઠાની પળોજણે પીસાતા,મરતબો રાખવા મુખ કાળા શુ કરે

આવક ને મોંઘવારીના ત્રાજવે, તોળાતા મધ્ય વર્ગ વાળા શુ કરે

ભ્રષ્ટી-દવ લાગ્યો ભારત વનમા, સજ્જન પંખી ના માળા શુ કરે

મોરલ ઓબ્લિગેશન બની કોન્ટ્રક્ટેડ ફેસબુકે ’હિમ્મત’વાળા શુ કરે

બાયડીને ગણે સે બારમો ચંદ્રમા,ડામ દે પખાલીને ! સાળા શુ કરે

15 / 12 / 2011  /  1: 00 pm

......................

થોડાક દિ મા આવે સે વરહ, બે હજાર ને બાર

દિવસો આમ જ વહી જાતા, ક્યા લાગે સે વાર

કાલે જ ઉગ્યુ હતુ પુર્વ મા, વર્ષ જુનુ અગિયાર

જુઓને આથમવા કેવો. સુરજેય પશ્વિમે તૈયાર

ક્યાક માતમ ક્યાક ખુશી,ડુસકાતી હસતી યાર

ગુંચ ઉકેલવા જીવતરની, જીંદગાની હોશીયાર

યુદ્ધો ગયા ત્સુનામીઓ આવી,પ્રકૃતિ નો સંહાર

લડતા કદી નવ થાકે એ, માનવજાત ઉપહાર

યાદ કરજો એ સંકલ્પો,જે લીધેલા છેલ્લી વાર

જમા ઉધારના હિસાબમા ભુલ નવ હો લગાર

’હિમ્મત’કરીને હસાવજો,જ્યા દુખ સે પારાવાર

ફેસબુક છોડી કામે ચડજો, ઉગ્યો નવો સોમવાર

14 / 12 / 2011   /  7 : 08 pm

...........

આજ ટોળે વળી સે સાહેલડી,

પુછે ઉમર તારી જોને બેનડી

તુ તો સોળે છલકાતી જુવાનડી

તારા રૂપે ભીંજાય સે આભલડી

તુ તો ચાલે જે મારગે મોહકડી

નદી વે’તી ઝાંઝરની નાનકડી

તારે પોલકે ન માય’રે કાયલડી

છતી કરે સે તારી એ જોબનડી

તારી વાટ મા વેરાતી વસંતડી

તારી ઇર્ષ્યા એ ખરે પાનખરડી

બોલ તારા કે ટહુકે રે કોયલડી

મોર નાચ્યા સે તારા ઓ ઢેલડી

તુ તો લીલી નાઘેરની કુંજલડી

જાણે ઝબકી સોરઠની મેઘલડી

.

November 27 / 2011 /  at 2:55pm

..............................

લગ્નનો માહો્લ જામ્યો સે ગજબનો,

રિવાજે’ય સુધર્યો ફેશનમા અજબનો,

બેન્ડવાજા ઢોલ એક્સપાયર થયા સે,

ટેમ્પામા ખડકેલ ડીજે આવી ગયા સે,

પેરણ-ચોરણીની જગા સુટ લઈ ગ્યુ,

ખાસડાને બદલે કુમળુ બુટ થઈ ગ્યુ,

ઘોડા પાવર બની એન્જીનમા સમાયા,

તેથી જ ભાડે મોટરુવાળા ખુબ કમાયા,

લાજ-મલાજા તો સુપમા પીવાઈ ગ્યા,

રિસેપ્સનમા લગન ગીત વિખાઈ ગ્યા,

વરકન્યા અટલે બ્યુટી પાર્લરનુ બીલ,

રકમ હાંભળતા જ ઘગે વેવાઈનુ ડીલ,

શણગારેલ કાર માથી લાડી ઊતરેલ,

જાણે સુકાયેલ પીપળે સાડી વીંટળેલ,

વરરાજો કાળુ આજે કેવો ઝગમગે સે,

વેવાણની આંખ્યુ હરખમા તગતગે સે,

લાડવા ને મોહનથાળ બન્યા ભુતકાળ,

પડ્યા પંજાબીને ચાઈનીઝ ના દુષ્કાળ,

સુખી દાંપત્યની દુવા મા ૫૦૦ની નોટ,

જેટલી લાઈન નાની એટલી વધુ ખોટ,

"હિમ્મત"રાખી ને સહુ કંકોતરી ખોલજો,

સુધર્યો લગ્નરિવાજ એમ માની મોલજો,

November 22 / 2011  / at 7:44pm

..........................

કેમ સમજાતુ નથી મને કે,મલકમા આવુ શુ લેવા ને થાય સે,

સચ્ચાઈ રહે બાર ગાઊ છેટી, ખોટુ વ્યવહારમા ખપી જાય સે,

કુટુંબ કબીલા લઈને જે બેઠા, નીત નવા ઢોંગ કરતા ફરે સે

દુખતી રગ દબાવો જરાક તો, દુશ્મન તમારા બની જાય સે,

આખુ વરહ ગદ્ધામજુરી કરે,પસે દિવાળીએ વાપરે સે બેફામ

બેંગકોકની ઇ કઈ માતાજી,જેની જાત્રા એ રહુડીયા જાય સે,

દિકરો બુક લેવા પૈસા માગે, તો કહે "ઝાડ પર નથી ઉગતા"

ને ગલ્લેથી પાનબીડી મંગાવવા,પૈસા ક્યાથી આવી જાય સે,

હરિદ્વાર થી લાવેલુ ગંગાજળ,છાંટે સે ઘર મા શુદ્ધીકરણ માટે

એ જ ભગતને દિવ દમણમા,દારૂનો નશો કેમ ચડી જાય સે,

ડાયરા ભજન સંતવાણીમા, હરખપદુડો થઈને રૂપિયા ઉડાડે

પસે મિટરના નાણા ગોતતા, કુતરા આબરૂને ચાટી જાય સે,

એલા"હિમ્મત"તુ તારુ કર, તારેય લાળા લફરાના પાર નથી

કો’કને લેખીત શીખ દેવામા,તારા જેવા ફેસબુકે જડી જાય સે,

November 14 / 2011  at 4:41pm

..................

સદવિચારો સદા ક્વોટ બની જાય સે

જુઠાણા તો જલ ભંભોટ બની જાય સે,

અવળા વિચારો નો કોટ ચડી જાય સે

તયે મગજમા પણ ખોટ બની જાય સે,

શરિર સાંચવવા માટે  પહેરાતુ  કપડુ

પુનમ ન પહેરે તો હોટ બની જાય સે,

ઉત્તમ કવોલીટીની હિરોઈનુ ડાયરેક્ટ

અમેરિકન  એકસપોર્ટ બની જાય સે,

બાયડીના ઘાઘરાનો જંપલ હટાવતા

ઘરવાળા માટેની લંગોટ બની જાય સે,

અર્થશાસ્ત્રી થવાથી કાઈ જ નથી વળતુ

નારી પાહે વડો કેવો ભોટ બની જાય સે,

’ઇન્ગલીશ’ મા બજાર મા ફરતુ બકરુ

બુક મા અચાનક ગોટ બની જાય સે,

એલા ’ હિમ્મત’ હવે તુ ગવઢો થ્યો સો

આવા વિચારે  ભેજુ લોટ બની જાય સે,

September 23 / 2011 / at 7:34pm.

.......................

દરજી મુને પોલકુ નવુ પેરાવ્ય,મારો વાલીડો મેળે આવે સે

એમા રણકતી ઘુઘરી લટકાવ્ય,મારો ગોલીડો મેળે આવે સે

કહને હિરની દોરીયુથી ગુંથાવ્ય,મારો કાલીડો મેળે આવે સે

એક ઘાઘરા નવાનુ માપ લાવ્ય,મારો મુલીડો મેળે આવે સે

એને ઝગમગતો જંપલ જડાવ્ય,મારો જોલીડો મેળે આવે સે

ઘમ્મર ઘેરમા તુ કેરીયુ દોરાવ્ય,મારો દેલીડો મેળે આવે સે

એક હાડલો’ય હારો કપાવરાવ્ય,મારો હાલીડો મેળે આવે સે

એમા ફુલ ફુમકા  ફરતા ફોરાવ્ય,મારો ફુલીડો મેળે આવે સે

હાડલામા સોનેરી ભાત્ય કરાવ્ય,મારો ઘેલીડો મેળે આવે સે

· August 10  /  2O11  at 7:40pm ·

--------------

કાલે એ બગીચામા મળ્યાને મળી અમારી આંખડી

મંદિર પર મળવાનુ કહીને બાંધી અમ હાથે રાખડી

August 6  /  2011  at 11:46am ·

--------------------

બાળ નાનુ વ્રુદ્ધ આંગળી પકડી, ડગમગ ચાલવા શીખતુ’તુ,

ઝરણુ હાલતુ પરવતને સહારે, થાવા સરિતા ખળખળતુ’તુ,

નમણી વેલને આભ આંબવુ,એ અભરખા થડને કે’તી હશે,

ઉપકારી તરૂવર થોડુ ઝુંકીને, આગોશમા વેલને વિંટતુ’તુ,

બાષ્પ બિંદુ ધરા આલિંગવા,વાયુ સવાર થઈ ઉચે ઊડતુ

ઘનમાળ ઘનઘોર જળુંબતુ, મેઘમંડળ બનીને વરસતુ’તુ,

પાનખર કુંપળો કાલીઘેલી,ચડતી આખડતી વ્રુક્ષ બાજતી

મંદ મંદ સ્મીત ફરકાવતુ,વસંતના ફુલ બનીને ખીલતુ’તુ,

July 16  /  2011    at 7:19pm

-------------

એનાથી ઉભા થાંભલા પર ચડાયુ,ને આખા શહેરમા રોશની થઈ ગઈ,

એક સસલી શી નાર પ્રેમમા પડીને, વાયરમેન ખરગોશની થઈ ગઈ,

July 12  /  2011    at 11:28am

-----------

વાસેલા દ્વાર ઉઘાડીને જુઓ

નેજવુ નેણે લગાડીને જુઓ,

આંગણે ઉભા અતિથી એને

જુની યાદો જગાડીને જુઓ,

વિરહ જુરાયો બેય બાજુથી

ઉઠતા ડુમા સંતાડીને જુઓ,

અપાર વ્યથાની આંધી વચ્ચે

આશનુ કિરણ ઉગાડીને જુઓ,

’હિમ્મત’ કરીને બે ડગ ભરો

હૈયા થી હૈયુ લગાડીને જુઓ,

July 7  /  2011     at 12:28pm

-----------

કિનારાની સુકી રેતી ને પણ ખોટ હોય છે,

પ્રેમને દરિયે પણ ભરતી ને ઓટ હોય છે,

દિવાલો જ રક્ષણ નથી કરતી આ શહેરનુ

પગીની ચપળ નજરોના પણ કોટ હોય છે,

આંસુના ખાબોચીયા છલકતા આંખ બની

જ્યારે લાગતી અંદરથી કોઈ ચોટ હોય છે

લોભી માનવી  બિમાર પડતો નથી કદી

એને ઇલાજથી જતા પૈસાનો તોટ હોય છે

’ હિમ્મત ’ના હલેસે ઉર્મિસાગરો ખેડી શકો

બસ એમા ઇરાદાની મજબુત બોટ હોય છે

July 6  /  2011    at 7:52pm

----------------

જુવાનને મુંછ નો દોરો ફુટતા

કૈક સપના સેજ પર ઢોળાયા..!

ફાલ્યા ફાગણ કોરા અંગે ને

સૌંદર્ય ની રજ પર રોળાયા..!

July 3  /  2011    at 7:10pm